Ég var stoppaður úti á götu um daginn og spurður um hvort ég vildi taka að mér að þjálfa Kvenniliðið á Skála, í fótbolta. Þær spila í bestu deildinni og hafa einar 5 stelpur sem hafa verið eða eru í landsliðinu. hmmm…

svaraði svo í dag …

Þegar ég kom heim af sjónum fyrir tæpum 2 vikum var snjór í fjalltoppum en svo gott sem autt neðar. Síðan þá hefur snjóað vel og mikið. Það kom svo að því á mánudaginn s.l. að ég þurfti að moka bílana lausa og það eru orðin nokkuð mörg á síðan ég hef þurft þess, reyndar fer maður og mokar tröppurnar og innganginn reglulega en það samt erfitt að halda þessu auðu. Færeyjingar segja við mig að það eru mörg ár síðan að það hafi verið svo kalt og snjór legið svo lengi á vegum. Það gengur hægt að ryðja vegi þrátt fyrir að öll tæki séu í gangi, það er reynt að halda öllum vegum opnum og ég sá að það var verið að vinna í grefstri í gærkvöldi hérna á Ströndum en þar voru bara teknar “litlu” göturnar og brekkurnar. Stærri vegir í bænum eru færir en það liggur 10-15 cm snjór, þjappaður, á veginum. Það verður vonangi að það verði búið að ryðja það áður en það fer að rigna og allt breyst í ís… Maður verður þá bara að fá sér keðjur, ekki satt.

Drengirnir skemmta sér vel í snjónum, renna sér og grafa mikið.

Þá eru komnar nýjar myndir á myndasíðuna, en það er hægt að nálgast hana efst á síðuni… [Myndir]

Loksins kominn heim. Núna verður slappað aðeins af og svo farið að vinna fljótlega aftur. Í dag er Fastelavn og þá eru borðaðar rjómabollur og svo klæða krakkarnir sig út í kvöld og ganga í hús til að fá nammi eða eitthvað gott. Haukur Jákup og David Thor eru að planleggja búningana fyrir kvöldið. Þeir fara báðir að slá köttinn úr tunnuni í dag. Ég ætla að setja inn myndir á morgun.

Ætlaði líka að baka nokkrar vatnsdeigsbollur með rjóma í dag.

Strákarnir eru farnir að mála myndir auðvitað koma smá sýnishorn á síðuna fljótlega….

Þá er farið að styttast í heimför en þann 12 feb. næsta föstudagsmorgun verðum við komnir í land í Ágesund, Síðan verðu flogið um kl. 16:00 frá Berngen til Köben, og þaðan svo til Færeyja. Við ættum að lenda kl 20:30 ef allt gengur eins og það á að gera. Það verður mikið gaman að sjá fjölskylduna aftur og slappa af í nokkra daga.
Vona að veðrið leiki við okkur það sem eftir er og að heimkoman gangi vel…

Núna er rúmlega vika síðan við vorum síðast í landi. Við fygdum vinnubátnum hingað út á næstum sama stað og síðast, en það er verið að gera við brunn á um 250 metra dýpi. Þetta átti ekki að vera langt verkefni en vegna veðurs fór viðgerðabáturinn inn eftir 3 daga og átti að koma aftur í dag, en það verður sennilegat ekki fyrr en á mánudaginn. Ástæðan fyrir að hann fór er of mikill öldugangur en þeir geta unnið í allt að 6 metra ölduhæð. Það er sem sagt búið að vera veltingur í nokkra daga núna og á að toppa á miðnætti í kvöld með +12 mertum og 20 m/sek. Á þriðjudaginn verður svo komið um 1 meters alda…

Annars telur maður dagana sem maður á eftir samviskusamlega og eru þeir nú 12. Því er ekki að leyna að það er mikil tilhlökkun að komast heim til konu og barna.

Ég reyni auðvitað að fylgjast vel með handboltanum en með EKKERT sjónvarp/ísl. útvarp og MJÖG takmarkað internet er það ekki létt en ég geribara eins og “strákarnir okkar” og “geri mitt besta”

Komir í Höfn í litlum bæ sem heitir Ágotnes, Vestan fyrir Bergen í Noregi. Okkur var svo boðið um borð í viðgerðrbátinn sem við höfum verið að elta síðustu vikurnar, þ.e. vinnan okkar er að halda veiðibátum í ákveðinni fjarlægð frá þessum viðgerðarbát sem er að vinna við viðgerðir á um 280 m. dýpi. Þarna eru rúmlega 70 mans í áhöfn og báturinn (smíðaður 2008) stórglæsilegur: Matsalur, líkhamsrækt, bíósalur og allskonar hentileikar fyrir starfsfólk, brúin var svakalega flott. Eftir að hafa skoðað allt skipið, og kafbátana sem þeir senda á hafsbotninn fórum við svo aftur um borð að leggja okkur.

Sunnudagur: Brottför á sama stað.